ندا الفخرانى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


الشعر والثقافه الدينيه
 
الرئيسيةأحدث الصورالتسجيلدخول

 

 خمر الحقيقة انجلت فى يد ساقيها أنوارها سطعت والكون غاب فيها

اذهب الى الأسفل 
كاتب الموضوعرسالة
Admin
Admin
Admin


المساهمات : 397
تاريخ التسجيل : 01/04/2014

خمر الحقيقة انجلت فى يد ساقيها أنوارها سطعت والكون غاب فيها Empty
مُساهمةموضوع: خمر الحقيقة انجلت فى يد ساقيها أنوارها سطعت والكون غاب فيها   خمر الحقيقة انجلت فى يد ساقيها أنوارها سطعت والكون غاب فيها Emptyالأربعاء يوليو 20, 2016 11:56 pm

موال
خمر الحقيقة انجلت فى يد ساقيها أنوارها سطعت والكون غاب فيها
واللى يدوق طعمها بالروح يشربها نورها حجابها وفيها الكل غرقانين
واللى دخل حيها يعرف معانيها
ليلى بتخطب وداد اللى يصون عهده وكل من عزها هى تبات عنده
واللى بقى عبدها فى الحى ياسعده وتعرفه سرها ويبان عليه النور
ويعيش معزز فى هنى ومين بقى قده
موال
أهل الكرم يجبرو الورد على ماهم ويقبلوا من أتوا قاصدين على ماهم
دول قوم أجاويد تعرفهم بسماهم وعناية الحق والأنوار عماهم
ويعرضوا عن كل رجال الدنيا هماهم غيرهم طلب حظ نفسه وهماهم
دول أوليه أصفيه والحق ولاهم ياسعد من يقبلوه فى الحى وياهم
والحق من رحمته بالنور حلاهم وربهم وردهم دايماً وولاهم
وهما مرهم شفى رحمه من الرحمن للى همومهم دايماً مآلماهم

موال
ياللى معانا بقلبك والرضا شانك إوعى تشوف الملام فى حبنا شانك
وإن كنت فى حينا دوماً على شانك وربنا يبعت الخيرات على شانك
وإن كنت صافى تنول الفتح والإمداد خلى حبيبك فى قلبك ينعدل شانك

موال
لما دعاك جمالك جينا نشهد الداعى وحق سيد الخلق ياعز الرجال راعى
دول يقولوا مثل عند الرجال ساير بأن الرعية بالضرورة تلزم الراعى

موال
ساقى الأماره سقانى خمرها الصافى صفى فؤادى وبدل كل أوصافى
وجاب لى شاش سندسى أخضر على وقال عليك عهد وفى به تنول الخير
تبقى متيم منعم دائماً صافى
موال
سر الطريقة ظهر للى يصون وده واللى وفاهم خدوا فى محبته وادوا
واللى نسى الود له شر الحمول وده أهل الغرام فى هيام دايماً إلى المحبوب
حتى إن جفاهم على طول المدى ودوا
موال
ياابن الطريقة عليك عهد الإله وفيه لك شيخ يدلك على سر الطريق وخافيه
أعمل بأمره وصون عهده وتبت فيه أحسن يسيبك يصيبك سهم ينفد فيك
الله أكبر على سر الطريق وخافيه
موال
حب السادات فرصة فاسرع فى محبتهم واستغنم الوقت تربح فى تجارتهم
وخالف النفس واسعى فى مودتهم لأن رب العلا أوحى بصحبتهم

موال
ياللى اتوسمنا بكم والوسم بان فينا ميت عيب ياسادتى فوتانكم فينا
خلوا العوازل يقولوا كل شئ فينا الله أعلم بظاهرنا وخافينا

موال
فى حى ليلى تشو شكل الأماره نور والكاس عليهم فى أعلى العلى بيدور
وتشوفهم وهما فى الحبيب هايمين لهم قلوب من صفاها تشبه البنور

موال
خضع النفوس فى حى ليلى عندهم رس مال والعز فى ذلهم لابجاه أو مال
واللى يجاهد النفس يظهر عليه النور ويسلبوا كل من قلبه عن ليلى مال

موال
ياللى تنادى علينا إن كنت طالبنا ادخل حمانا بقلبك وافعل مطالبنا
واحرص على القلب من نفسك دى حضرة الصفا تزهو لطلابنا

موال
إن كنت تنظر سوانا فابعد يافتى عنا إن لم تكن من معانينا لم تكن معنا
فاجعل حنينك لنا والمر فى حب الحبيب يحلو يعطوك كل مطلوبك وبالأحباب تنهنا

موال
الماء واحد والزهر يافهيم ألوان والسر واحد ولكن فى الزهور ألوان
وإن كنت صافى تجد سر الحبيب ظاهر لولاه ما كانت الدنيا ولا الأكوان

موال
حبل الوداد بالقلوب إن كنت له واصل فاربط فؤادك بساداتك تكون واصل
توحد الحب وتشوف الفتوح منه من كان فى قلبه خلل لا يدخل حبهم واصل

موال
ياحلو جسمى فداك والروح وعيونى بزياده أنت وكل الناس يفوتونى
أنت الكفاية وبس أنت تكون راضى وأنت حبيبى وكل الناس يهينونى

موال
رميت حمولى على السادات وناديتهم وكلى عشم فى كرمهم مثل عادتهم
مادمت محسوب على أهل الحمى منسوب تزول همومى واسعد فى محبتهم

موال
ازاى انضام ولى ساده يراعونى وكل ما انده لهم فى الحال يجيبونى
حازوا القبول والرضا والحق أعطاهم لله نظرة رضا منكم وغيثونى

موال
الحب كله عنا ولكن حبكم حلالى واقف على بابكم طالب صلاح حالى
روحى فداكم وانتم غاية المطلوب وذكركم فى الشدائد فيه راحة لى

موال
أهل الصفا ربهم بالنور ماليهم وإن دعو ربهم فى الحال يلبيهم
يعطف عليهم ويشملهم بإحسانه ينظر بالرضا دوماً يراضيهم

موال
سلامة الصدر هى الصفا المطلوب صدر سليم فى هيامه فى هوى المحبوب
كله فرح فى حبيبه مطمئن البال وكل شئ من حبيبه يشهده محبوب

موال
يارب ضاقت وحلت بى هموم وكروب لكن بنظرة لعبدك ينمحى المكتوب
عودتنى بالكرم ياعظيم الجود من حسن لطفك بنا يتيسر المطلوب

موال
ياخالق الخلق يا عالم بكل الحال يسر أمورى ونجنى من الأهوال
والطف بحالى وعاملنى بإحسانك وكل عقدة لها عند الكريم حلال
يارسول الله يا نور الأحد يارسول الله يا سر الصمد
يارسول الله كفؤاً أنت جد يارسول الله غوثاً ومدد
يارسول الله أشكو حالتى يارسول الله ارحم ذلتى
يارسول الله داوى علتى يارسول الله غوثاً ومدد
يارسول الله انظر حالتى يارسول الله احلل عقدتى
يارسول الله سالت عبرتى يارسول الله غوثاً ومدد
يارسول الله حالى ظاهرا يارسول الله قلبى طائرا
يارسول الله جفنى ساهرا يارسول الله غوثاً ومدد
يارسول الله أنت المصطفى يارسول الله جد لى بالصفا
يارسول الله يابحر الوفا يارسول الله غوثاً ومدد
يارسول الله جدلى باللقا يارسول الله يابحر التقى
يارسول الله أنت المرتقى يارسول الله غوثاً ومدد
يارسول الله قلبى هائم يارسول الله شوقى دائم
يارسول الله من لى غيركم يارسول الله غوثاً ومدد
يارسول الله أنت شفيعنا يارسول الله أنت حبيبنا
يارسول الله أنت ملاذنا يارسول الله غوثاً ومدد
يارسول الله يازين الملاح يارسول الله يانور الصباح
يارسول الله يابحر السماح يارسول الله غوثاً ومدد
يارسول الله يانور الوجود يارسول الله ياسعد السعود
يارسول الله يابحر الشهود يارسول الله غوثاً ومدد
* * *
ضمان علينا مدح أفضل مرسل فمدح رسول الله من أوكد الفرض
ضحى لم يدع إشراقه ليل شبهه ولا عجب أن تطلع الشمس فى الأرض
ضرائبه علوية وصفاته فقد حاز أقصى المجد فى الطول والعرض
ضروب المعالى أكملت لمحمد فجاء كريم الخلق والخلق والعرض
ضمير تولت كف جبريل طهره فما خامرت أجفانه سنة الغمض
ضياء لمن يرنو وحكم لمن يعى وروح لمن يشكو وروح لمن يقضى
ضلال الورى يهديه نور محمد ولن تحجب الأنوار إلا عن المغضى
ضفا ظله ستراً على كل مسلم فنحن به فى غاية الأمن والحفض
ضممنا يد التحقيق عن كل باطل فلا فكر فى لبس ولا رجل فى دحض
ضعاف اليتامى والأرامل عنده لدى ديمة هطلاء فى زهر غض
ضناهم تولت كشفه كف منعم لها أنف أن تنقب البسط بالقبض
ضحوك وأبدى الخيل تعثر فى الورى بذول وثغر المزن يبخل بالومض
ضمين بإنقاذ العباد من الردى ولا سيما فى موقف الوزن والعرض
ضراعتنا فى الحشر نرجو قبولها بمكنة من يرضى هناك ومن يرضى
ضربنا إليه العيس شرقاً ومغرباً وفى الناس مقبوض العنان عن النهض
ضرام حشاه يستطير تشوقاً فيبرم والأقدار تداب فى النقض
ضعوا عنكم الأوزار إن لذتم به وأوبوا بإجزال المثوبة والفرض
ضجيعاه نالا كل أمن ومنه بقرب العلا والمجد والسؤدد المحض
ضنيت بفوت الحظ من طيب طيبةٍ فأصبحت وقفا لا أجئ ولا أمضى
ضعفت عن الكل الذى هو واجب فلوحت تلويح الضرورة بالبعض


موال
رجال أبطال لهم أحوال تغيب عنا فرسان فلحان لهم ألحان بتطربنا
نظرات سادات لهم نفحات بتبهجنا أنوار أقمار لهم أسرار بتجذبنا
نفضل سكارى بهم فى الحسن والمعنى أعلام أقوام لهم مقدام رئيس ألحان
أنيس قديس جليس للحق مهما كان مشهور مطمور مغمور بالفيض والإحسان
مسرور مبرور منصور بالنصر والبرهان رحيم رءوف عطوف القلب ع الإخوان
اللى يحبه يناديه يا أبا الأشراف فى الحال يغنيه ويفضل دائماً فرحان

موال
اللى يدوق حبهم بالروح يفديهم واللى دخل حيهم يعرف معانيهم
واللى عرف سرهم يبقى يناجيهم واللى شرب خمرهم دايماً يهيم فيهم
واللى يكون عبدهم روحه تلبيهم وإن كنت تفرح بهم يعطوك وترضيهم
وإن كنت تصفى لهم جرب وناديهم والله يصون عهدهم ينده يلاقيهم
واللى دفع مهرهم بيمتعوه فيــهم
يا طالب الفتح حاسب من هوى نفسك وخلى خدك مداس يرضى عليك ربك
واخضع لساداتك وخلى الذل رس مالك يظهر عليك سرهم ويتم ليك سعدك
وإن كنت فى حبهم صافى يراعولك وكل ماينظروا لك ينفتح قلبك
إوعى من النفس لحسن تقطعك عنهم وحطها تحت أقدامك يزيد فتحك
واخلع عذارك وغنى باسم محبوبك واللى يدوق حبهم فى الحب يتهتك
والفتح والنور وكل الخير يأتى لك إن كنت فى حب محبوبك تبيع نفسك
وباب فتوحك محبتهم لغير علة وانت ياعبدهم فى الحب يابختك
واللى يوحد هوى المحبوب يصفى له إوعى تشوف فى الهوى تانى سوى حبك
علامة الحب إن كان يا أخى عندك تهيم فى حبه وتفرح من صميم قلبك
تعيش موافى وتفضل فى الحبيب صافى ويكون حبيبك معاك لا يحتجب عنك
تفضل تدندن وتشهد حسن محبوبك فى حضرة السر تشرب من كؤوس خمرك
والحب فى حضرته يخلع عليك خلعه تفعل بأمره وسر الكون بقى فى يدك


الرجوع الى أعلى الصفحة اذهب الى الأسفل
https://1964.yoo7.com
 
خمر الحقيقة انجلت فى يد ساقيها أنوارها سطعت والكون غاب فيها
الرجوع الى أعلى الصفحة 
صفحة 1 من اصل 1
 مواضيع مماثلة
-
» على شط بحر الحقيقة
» ا ليال ذقت فيها الأرقا هزني الشوق وعز الملتقى
» إلى باب سلطان الوجودات أحمد نبي الهدى مصباح ليل الحقيقة

صلاحيات هذا المنتدى:لاتستطيع الرد على المواضيع في هذا المنتدى
ندا الفخرانى :: الفئة الأولى :: المنتدى الأول-
انتقل الى: